Տիեզերական ճանապարհորդության մեկնելը ինչպես փոքրիկների, այնպես էլ մեծահասակների համար երազանք է, և մեր այցելուները գիտեն, որ քաղաքի միակ տիեզերական ժամանցի կենտրոնը՝ Գալակտիկուսը, անում է ամեն բան, որպեսզի այցելուների բոլոր երազանքները դառնան իրականություն: Այսօր ևս բացառություն չէ, և մենք որոշել ենք Գալակտիկուսի բլոգում ներկայացնել ֆիլմեր, որոնք ստեղծվել են հենց նրանց համար, ովքեր ցանկանում են հայտնվել տիեզերքում, տեսնել այդ անծայրածիր գեղեցկությունը, շփվել այլմոլորակայինների հետ և ուսումնասիրել առեղծվածային մոլորակները:
Ցանկի մեջ կգտնեք ոչ միայն գիտաֆանտաստիկ ֆիլմեր, որոնք մաքսիմալ մոտեցված են իրականությանը, այլև ֆենթեզիներ, որոնք պատմում են նոր մոլորակների, սուպերհերոսների արկածների, աստվածների միջև վարվող պատերազմների մասին:
Եկեք անցնենք այս ֆիլմերի վրայով, և գուցե ոմանք իրենց համար գտնեն նորություններ, ոմանք էլ որոշեն ևս մի անգամ վայելել իրենց սիրելի ֆիլմերը:
Чужой Alien
1979 / Սարսափ ֆիլմ
«Նոստրոմո» նավը առաքելությունից վերադառնալիս նկատում է անհայտ LV-426 տիեզերանավից եկող ազդանշաններ, որոնք վերլուծելով՝ անձնակազմը հասկանում է, որ գուցե իրենցից օգնություն են խնդրում: Նրանք որոշում են գտնել ազդանշանի աղբյուրը, և իջնելով այդ մոլորակի վրա՝ տեսնում են անհասկանալի առարկաներ, որոնք նման են կոկոնների:
Интерстеллар Interstellar
2014 / Դրամա, արկածային
Այս գիտաֆանտաստիկ ֆիլմի հիմքում դրված են ֆիզիկոս Կիպ Թորնի հետազոտությունները, և սյուժեի համաձայն՝ ոչ հեռավոր անցյալում մեր մոլորակը սկսելու է դանդաղ վերանալ, ուստի գիտնականների խումբը սկսում է մարդության համար փնտրել այլ բնակավայրեր, որոնք պիտանի կլինեն կյանքի համար:
Салют-7
2017 / Դրամա
Այս ֆիլմի շնորհիվ 40 րոպե կխորասուզվեք անկշռելիության, սուպերդեկորացիաների և վիզուալ էֆեկտների աշխարհում, և այն Ձեզ հատկապես դուր կգա այն պատճառով, որ հիմնված է իրական դեպքերի վրա:
Օրինակ՝ ամերիկյան կինոքննադատներն այս գործը համարել են ոլորտի լավագույնը՝ նշելով, որ սա հենց այն ֆիլմն է, հանուն որի պետք է գնալ կինոթատրոն, հատկապես IMAX ֆորմատով:
Игра Эндера Ender's Game
2013 / Ֆենթեզի, Մարտաֆիլմ
Որքան էլ այս ֆիլմը կտրված է թվում իրականությունից, կա 2 հիմնական գործոն, որոնք այն ասոցացնում են մեր մոլորակի հետ: Նախ այն գիրքը, որի հիման վրա նկարահանվել է այս ֆիլմը (Օրսոն Սքոթ – Քարդա), խորհուրդ է տրվում ընթերցել ԱՄՆ-ի զինվորական ուսումնարանների սաներին և սպաներին, քանի որ ձևավորում է լիդերին բնորոշ հատկանիշներ:
Բացի այդ՝ ժամանակակից տեխնիկայի շնորհիվ իրական պատերազմներն ու ֆիլմերում կամ խաղերում ցուցադրվողները միմյանցից գրեթե չեն տարբերվում:
Аполлон 18 Apollo 18
2011 / Սարսափ ֆիլմ, միստիկա
Ֆիլմը պատմում է Ապոլլոն 18 տիեզերանավի գաղտնի առաքելության մասին: Ըստ պաշտոնական տվյալների՝ դեպի Լուսին թռած վերջին տիեզերանավը եղել է Ապոլլոն 17-ը, սակայն իրականում եղել է ևս մեկը: ԱՄՆ-ի կառավարության հրահանգած գործողությունների կատարման ընթացքում առաջանում են շատ դժվարություններ, և տիեզերագնացները հանգում են խնդրի առաջ, թե նրանցից ովքեր կհասնեն տուն:
Пассажиры Passengers
2016 / Դրամա, մելոդրամա, արկածային
Ռոբինզոն Կրուզոյի և նրա Ուրբաթի կամ նոր տիեզերական Ադամի և Եվայի մասին պատմություն է: Այս ֆիլմը, հավանաբար, համարվում է 21-րդ դարի ամենավառ գիտաֆանտաստիկ գործերից մեկը, քանի որ դրանում ցույց է տրվում, որ մարդու մեջ ավելի շատ տիեզերք կա, քան հակառակը:
Դե ինչ, մեր սիրելի ընթերցողներ, հուսով ենք կդիտեք այս ֆիլմերը և գոնե մեկը ձեզ անպայման շա՜տ դուր կգա, իսկ մենք անհամբեր սպասում ենք ձեզ մեր տիեզերական աշխարհում՝ Գալակտիկուսում՝ Հր. Քոչար 13 հասցեում:
Իսկ մեր հետաքրքրասեր հետևորդներին հիշեցնենք մեր նախորդ բլոգերից մեկը, որը ձեզ հաստատ դուր կգա, եթե հետաքրքրված եք տիեզերական կյանքով «13 ՀԵՏԱՔՐՔԻՐ ՓԱՍՏ ՏԻԵԶԵՐԱԳՆԱՑՆԵՐԻ ՄԱՍԻՆ»: