Գալակտիկուսի փոքրիկ այցելուների ամենասիրելի անկյուններից է Լեգոյի սենյակը, իսկ ինչու՞. քանի որ Լեգո սիրում են բոլորը՝ մեծից փոքր: Անգամ մեծահասակները տարիներ են ծախսում Լեգոյի կողմից թողարկվող հատուկ հավաքածուները ձեռք բերելու և ամենաբարդ կոնստրուկցիաները հավաքելու վրա, իսկ ֆիրման իր հերթին անընդհատ զարմացնում է ամենատարբեր տարիքի գնորդների համար նախատեսված Լեգոներով: Պլաստմասսե դետալներից հնարավոր է ստանալ անհամար համադրություններ՝ գործի դնելով վառ երևակայությունը: Գալակտիկուսի այսօրվա բլոգում կներկայացնենք այս յուրահատուկ խաղալիքի պատմությունը և հետաքրքիր փաստեր, որոնք հիմնավորում են, թե ինչու է Լեգոյով տարված ամբողջ աշխարհը:
1. Լեգո ընկերությունը հիմնադրվել է 1932 թ. և ի սկզբանե զբաղվում էր արդուկի համար նախատեսված տախտակների և փայտյա խաղալիքների արտադրությամբ: Կոնստրուկտորի թողարկման առաջին պատենտը ստացվել է միայն 1958 թվականին:
2. Լեգոյի գլխավոր գործարանը Դանիայում է, և այնտեղ դետալների պատրաստման համար օգտագործվում է տարեկան 60 տոննա պլաստիկ:
3. 37 գործարաններում աշխատում է ավելի քան 8000 մարդ, որոնց կեսը՝ Դանիայում:
4. Իր գոյության ընթացքում ընկերությունը թողարկել է ավելի քան 485 000 000 000 դետալ:
5. Եթե 1 տարվա ընթացքում վաճառվող Լեգոյի դետալներից պատրաստենք շղթա, այն մոլորակի շուրջ կպտտվի մոտ 10 անգամ:
6. Չնայած նրան, որ տասնյակ տարիներ են անցել առաջին Լեգոների թողարկումից, միևնույն է, բոլոր դետալները իրար հեշտ են միանում՝ անկախ արտադրման տարեթվից:
7. Գործարանում կա հատուկ պահեստ, որտեղ յուրաքանչյուր թողարկված հավաքածուից մեկ հատ պահվում է:
8. Lego ընկերությունը խաղալիք անվադողերի մեծագույն արտադրողն է՝ տարեկան ավելի քան 300 միլիոն փոքրիկ անվադող:
9. Lego-ի բոլոր հավաքածուների մարդուկների գլխին կա փոքրիկ անցք: Դա արված է նրա համար, որպեսզի եթե հանկարծ երեխան պատահմամբ խաղալիքը կուլ տա, կարողանա այդ անցքով շնչել:
10. Եթե մինչ օրս թողարկված բոլոր լեգո-դետալները բաժանենք մոլորակի բոլոր բնակիչների միջև, յուրաքանչյուրը կստանա նվազագույնը 64 դետալ:
11. Ամեն վայրկյան աշխարհում վաճառվում է 7 տուփ Լեգո:
12. Աշխարհում թողարկվել է մոտ 4 միլիարդ Լեգո մարդուկ, ընդ որում՝ առաջինը ստեղծվել է առաջին կոնստրուկտորից 20 տարի հետո:
13. «LEGO» անվանումն առաջացել է դանիական «Leg godt» արտահայտությունից, որը թարգմանաբար նշանակում է «լավ խաղալ»:
14. Մեկ րոպեում միայն Բիլունդ քաղաքի գործարանում արտադրվում է Լեգոյի 40 000 դետալ:
15. Գոյություն ունի լեգոյի 3900 տարր և 58 գույն:
16. Տիեզերական փաստ՝ եթե կառուցենք 40 միլիարդ Լեգո դետալներից կազմված բուրգ, այն կհասնի Լուսնին:
17. Լեգոյի ամենամեծ հավաքածուն Star Wars X-Wing-ն է. այն ունի 5,3 միլիոն դետալ և կշռում է 23 տոննա:
18. Աշխարհում կա 6 Legoland. սրանք զվարճանքի կենտրոններ են՝ կառուցված Lego-ից:
Դե ինչ, այսքանն էին Լեգոյի մասին Գալակտիկուսի փաստերը, իսկ եթե ցանկանում եք, որպեսզի Ձեր բալիկը հայտնվի իրական հեքիաթում, կոնստրուկտորով պատրաստի ցանկացած համադրություն, փորձի ուժերը VR խաղերի անծայրածիր աշխարհում ու նետի լազերային մարտահրավերներ մեր լազեր թագ արենայում, ապա Գալակտիկուս ժամանցի կենտրոնը դառնալու է նրա ամենասիրելի վայրը, ուստի ամբողջ ընտանիքով շտապե՛ք Հր. Քոչար 13, քանի որ մեզ մոտ անմոռանալի ժամանցն ապահովված է ցանկացած տարիքի այցելուի համար:
Իսկ մեր հետաքրքրասեր ընթերցողներին հիշեցնում ենք մեր նախորդ նյութերից մեկի մասին՝ «Ինչպե՞ս ստեղծվեց «Ալիսան հրաշքների աշխարհում» գիրքը», որին կարող եք ծանոթանալ նախքան մեր համանուն քվեսթ սենյակն այցելելը: