Քանի որ Գալակտիկուսը տիեզերական ժամանցի կենտրոն է, մեր այսօրվա բլոգն էլ նվիրված է տիեզերքին ու երաժշտությանը:
Բոլոր երաժիշտները հավանաբար երազում են, որ իրենց ստեղծագործությունները տարածվեն աշխարհով մեկ, սակայն մի պահ պատկերացնենք այն հաջողակներին, ում երգերը հնչել են մեր մոլորակի սահմաններից դուրս: Նման բան անգամ երազելն է անհնար թվում, և մենք Գալակտիկուսի այսօրվա բլոգում հավաքել ենք տիեզերքի մասին 7 երգեր, որոնք հնչել են տիեզերքում:
Will.i.Am «Reach for the Stars»
Այս շարքի երգերից հենց այս մեկն է ամենաառաջինը հնչել այլ մոլորակի վրա: 2012 թվականին այս երգը միացվեց Մարս մեկնած Curiosity կոչվող տիեզերանավից:
Muse «Supermassive Black Hole»
2010 թվականի մայիսի 26-ին այս երգը դարձավ ST-132 առաքելության զարթուցիչը: NASA-ում ավանդույթ դարձած զարթուցիչ-երգերին կարող եք ծանոթանալ այստեղ: https://history.nasa.gov/wakeup%20calls.pdf
Muse խումբն իսկապես առանձնանում է իր տիեզերական ամբիցիաներով, և տիզերքի մասին են նաև հետևյալ երգերը «Space Dementia», «Neutron Star Collision (Love Is Forever)» և «Starlight»: Իմիջիայլոց, վերջինը ևս հնչել է տիեզերքում, և ինչպես ասում է տիեզերագնաց Թիմ Փիքը՝ այնտեղ այդ ստեղծագործությունն է՛լ ավելի լավ է հնչում:
The Beatles «Across The Universe»
The Beatles-ի այս ստեղծագործությունը NASA-Ի կողմից ուղղակիորեն տիեզերք հղված առաջին ստեղծագործությունն էր: 2008 թվականին այն ուղարկվել դեպի Բևեռային աստղ: Սա այնքան էր ուրախացրել Փոլ ՄքՔարթնիին և Յոկո Օնոյին, որ նրանք բարևներ էին փոխանցել այլմոլորակայիններին:
Paul McCartney «Good Day Sunshine»
Դեռևս 2005 թվականին ՄքՔարթնին հատուկ Միջազգային տիեզերական կայանի աշխատակիցների համար կենդանի կատարեց այս երգը:
David Bowie «Space Oddity»
Major Tom-ը կորցրել էր թռիչքների ղեկավարման կենտրոնի հետ կապը, և Բոուիից հետո նրա մասին երգեց նաև Միջազգային տիեզերական կայանի կապիտան կանադացի Քրիս Հեդֆիլդը:
Բոուին ևս ունի տիեզերքի թեմայով գրված այլ հայտնի ստեղծագործություններ՝ «Life On Mars» երգը, «The Rise and Fall of Ziggy Stardust and the Spiders from Mars» ալբոմը և այլն:
«Fly Me to the Moon»
«Ապոլոն 10» առաքելության կազմի անդամները հենց թռիչքի ընթացքում լսել են Ֆրենկ Սինատրայի այս կատարումը: 1954 թվականին երգիչը երազում էր տեսնել, թե ինչպիսին է գարունը Յուպիտերից ու Մարսից:
Pink Floyd «Shine On You Crazy Diamond»
Pink Floyd խմբի անդամները 1988թ. Բայկոնուրում ներկա էին «Союз ТМ-7» տիեզերանավի գործարկմանը: Այն ժամանակ տիեզերագնացներն իրենց հետ վերցրին խմբի թողարկած «Delicate Sound of Thunder» կոչվող ալբոմը:
Դե ինչ, հուսով ենք՝ այս երգերի շարքից կգտնեք Ձեր սիրելին, իսկ եթե ցանկանում եք է'լ ավելին իմանալ տիեզերագնացների մասին, առաջարկում ենք ծանոթանալ Գալակտիկուսի նախորդ նյութերից մեկին ևս՝ «6 ՖԻԼՄ ՏԻԵԶԵՐՔԻ ՄԱՍԻՆ»:
Իսկ բոլոր նրանց, ովքեր դեռ չեն հասցրել փորձարկել մեր տիեզերական աշխարհը, հրավիրում ենք Հր. Քոչարի 13 հասցեում գտնվող Գալակտիկուս ընտանեկան ժամանցի կենտրոն՝ ձեր նախընտրած ժանրի հոլովակներ դիտելու, վիրտուալ իրականության հետ ծանոթանալու, խաղալու և կրակելու: